Akuzohet për vrasje të foshnjës, nëna thotë se ia ka marrë dashnori shqiptar!

Ajo ka deklaruar se foshnjën e lindur në dhjetor 2015 ia ka dhënë që në ditën e lindjes në dorëzim të atit të saj dhe ai e ka marrë me vete në Shqipëri

Një foshnjë e zhdukur në Limburg të Gjermanisë, vihet në lidhje me një shqiptar, i cili, sipas nënës së foshnjës, është babai biologjik i së bijës. Gjermanja 23 vjeçe po dyshohet dhe po mbahet në burgun hetues për vrasje të foshnjës. Ndërkaq ajo ka deklaruar se foshnjën e lindur në dhjetor 2015 ia ka dhënë që në ditën e lindjes në dorëzim të atit të saj dhe ai e ka marrë me vete në Shqipëri.

Ai, sipas saj ka qenë në lidhje me të për një kohë të shkurtër dhe nga kjo lidhje ka lindur vajza e përbashkët.

Por prokurori nuk i beson nënës së re dhe konsideron se ajo do ta ketë mbytur foshnjën, shkruajnë mediet gjermane sot, transmeton albinfo.ch. Këtë dyshim e përforcon edhe deklarimi i partnerit të gruas se ai nuk e ka ditur fare se gruaja e re e përmendur ka qenë shtatzënë.

Sipas prokurorisë, nëna e re lindjen e foshnjës e ka realizuar pa dokumentin përkatës që është i domosdoshëm për këso rastesh. Ndërsa pas lëshimit nga klinika, asaj i është kërkuar disa herë ta sillte dokumentin por ajo evazhdimisht e ka zvarritur, përcjell albinfo.ch. Së fundi, klinika i është drejtuar policisë.

Pas bastisjes në banesën e nënës së re, nuk ishte gjetur asnjë gjurmë e foshnjës. Policia është në vazhdim të ndjekjes dhe hetimet e saj janë shtrirë në pista të ndryshme./albinfo/