Akuza dhe kritika mes Musliut dhe Mitroviq në kuvendin e Bujanocit

Në seancën e fundit të kuvendit komunal në Bujanoc pati debat të ashpër mes kryetarit të kuvendit, Junuz Musliu dhe Nenad Mitroviq, këshilltar nga partia përparimtare serbe dhe njëherit deputet popullorë në parlamentin e Serbisë.

Polemika ishte rreth deklaratës së Musliut për “Shqipërinë e Madhe” të cilët vet ai i quajti se janë shpifje dhe akuza të pa baza nga ana e Mitroviqit dhe shefit të tij në Beograd, shkruan Titulli.com.

“Përmes gjuhës së policit e ushtarit nuk frigohem aspak dhe unë do ta mbrojë qytetarin e Bujanocit pa dallim etnie qofshin shqiptarë, serb apo romë”, theksoi mes tjerash Musliu.

Ndërsa Nenad Mitroviq është shprehur se deklaratat tendencioze të Musliut ngjallin frikë dhe polemika andaj kërkojë të ndalohen nga ana e Musliut si dhe të respektohet ligji.

Akuza të ndërsjella mes këtyre dy figurave publike u zhvilluan edhe në tema tjera që prekin interesin shqiptarë dhe serb në komunën e Bujanocit./Titulli.com/