Aktori Ernest Zymberi nënshkruan peticionin për unifikimin e faktorit politik në Luginë

Të mërkurën aktori i njohur Ernest Zymberi i njohur edhe për rolin e luginasit tek seriali i njohur “O Sa Mirë”, ka nënshkruar peticionin e nisur nga Lëvizja Qytetare “Vatra”, me të cilin kërkohet që faktori politik shqiptar në Kosovën Lindore të unifikohet dhe të krijojë një liste unike politike të përbëre nga të gjitha partitë politike shqiptare.

Ernest Zymberi i është bashkangjitur thirrjes që spektri politik në Kosovën Lindore të jetë i unifikuar dhe të jetë i bashkuar në një listë.

Kjo iniciativë është përkrahur dhe do të përkrahet nga personalitete të shquara nga të gjitha trevat shqiptare.

Këtë peticion, vlenë të theksohet se e kanë nënshkruar edhe moderatori Fidan Jupolli, Deputetja e AAK-së Donika Kada -Bujupi, regjisori Kenan Gurgurovci, Avdil Ramadani e sot edhe Ernest Zymberi thuhet në njoftimin e “Lëvizja Vatra”./rajonipress/