Aktivistët e sinqertë paralajmërojnë Lutfi Hazirin: LDK-së në Gjilan i duhet një reformë e thellë

Gjilan – LDK-së në Gjilan i duhet një reformë e thellë, duhet të hapet, të ringjallet dhe të modernizohet, natyrisht për mes reformave dhe të dali fituese në zgjedhjet e ardhshme lokale thonë aktivistët e saj derisa e kanë përkrahur Latif Maliqin i cili kërkoi hapje ndaj strukturave të brendshme në LDK.

“Nëse do të ketë hapje ndaj strukturave të brendshme në LDK dhe figurave të reja, si dhe dhënia e përgjegjësive meritore për këto struktura LDK në Gjilan e ka të ardhmen e sigurt dhe do të jetë e sigurt në kthimin e pushtetit lokal” deklaroi për rajonipress Latif Maliqi.

Deklarimi i tij është përkrahur edhe nga aktivist të tjerë të sinqertë e të devotshëm.

Mehmet Dërmaku thotë se ideja e Latif Maliqit është shumë e qëlluar dhe e kohës.

“LDK në Gjilan e ka të ardhmen e sigurt dhe do të jetë e sigurt në kthimin e pushtetit lokal. Po sikur të ishin të gjithë siç jeni ju do ta ketë të ardhmen e fitoren e sigurt në zgjedhjet e ardhshme. LDK në Gjilan e kanë mundur vet LDK -ja në zgjedhjet e kaluara komunale. Mendoj që kandidatin tonë për Kryetar komune Lutfi Hazirin e ka mundur vet kompania e tij. Mos të ndodhin kjo që ndodhi në të ardhmen. Prandaj LDK-së në Gjilan i duhet një reformë e thellë, duhet të hapet, të ringjallet dhe të modernizohet, natyrisht për mes reformave si thash me lart dhe të dalin fituese në zgjedhjet e ardhshme lokale” ka shkruar Dërmaku në rrjetet sociale./rajonipress/