Aktgjykim për përfitimin e padrejtë të 200,000 eurove

Dje në Gjykatën Themelore të Prishtinës, të pandehurit H.T. dhe B.D. u dënuan për veprën “Ushtrim i ndikimit në bashkëkryerje”, në shkelje të Neneve 345 (1) dhe 23 të KPK 2003.

Ky rast përfshinte pretendimin se dy të pandehurve u ishte ofruar dhe kishin pranuar përfitim të padrejtë prej 200,000 euro në këmbim të pajtimit për të ushtruar ndikim të padrejtë lidhur me vendimmarrjen e personave zyrtarë nga Agjencia Kosovare e Privatizimit, përpara ceremonisë së ofertimit, e cila është mbajtur më 20.05.2009 për privatizimin e një sipërfaqeje të tokës bujqësore afër fshatit Muzakaj.

Secili prej të pandehurve u dënua me burgim prej pesëmbëdhjetë (15) muaj, si dhe është marrë vendimi për konfiskimin e shumës prej 200,000 eurove. Rasti është ndjekur nga një prokuror ndërkombëtar i PSRK-së. Të gjitha palët kanë të drejtë ankese. /Telegrafi/