Aktgjykim dënues për veprën penale marrje ryshfetit

Gjilan – Gjykata Themelore në Gjilan ka shpall Aktgjykim dënues ndaj të akuzuarit Bashkim Bunjaku, në kohëzgjatje prej 1 (një) viti burgim dhe dënim me gjobë në shumën 1.000 (njëmijë) euro.

I akuzuari në cilësinë e personit zyrtar në Drejtorinë për Buxhet dhe Financa të Komunës së Gjilanit, në mënyrë të drejtpërdrejt ka kërkuar dhe pranuar ryshfet në shumën prej 2.000 euro nga i dëmtuari A. E., në mënyrë që të bëjë pagesën nga llogaria e komunës për shpronësimin e tokës në vlerë prej 65.072 euro. Me këto veprime i akuzuarit ka kryer veprën penale marrje e “ryshfetit”.

Pas pranimit të fajësisë nga i akuzuari, gjykata ka dënuar me një vit burgim dhe 1.000 euro gjobë, gjithashtu të akuzuarit i është shqiptuar edhe dënimi plotësues ndalimi i ushtrimit të funksioneve në administratën publike ose shërbimin publik në kohëzgjatje prej një viti, pas mbajtjes së dënimit me burgim./rajonipress/