RCCOLA

Aktakuzë për prodhim dhe shpërndarje të produkteve të dëmshme mjekësore

/ 1 minutë lexim

Gjilan – Prokuroria Themelore në Gjilan, Departamenti Përgjithshëm, ka ngritur aktakuzë ndaj të pandehurit K.A., për shkak të veprës penale “Prodhimi dhe shpërndarja e produkteve të dëmshme mjekësore”.

Sipas aktakuzës, më 6 prill 2020, i pandehuri K.A., në fshatin Përlepnicë Komuna e Gjilanit, ka vënë në qarkullim barëra ose produkte të dëmshme mjekësore, pa iu bërë kontrolli i nevojshëm nga personi apo enti i autorizuar, në atë mënyrë që përmes rrjetit social “Facebook”, ka publikuar njoftimin për vënien në qarkullim të barit për luftimin e Corona Virusit.

Mobi Casa

Në këtë mënyrë, i njëjti ka vepruar në kundërshtim me Ligjin për Shëndetësi 04/L-125 dhe Ligjin për Produkte dhe Pajisje Medicinale 04/L-190 thuhet në njoftimin e Prokurorisë së Gjilanit./rajonipress/