Aktakuzat e ngritura nga Prokuroria e Gjilanit për vjedhje e posedim të narkotikëve

Gjilan – Departamenti i Përgjithshëm, në dy raste të ndara, ka ndaluar tre (3) persona të dyshuar, në kohëzgjatje prej 48 orësh. Në njërin rast dy persona janë ndaluar me dyshimin se kanë kryer veprën penale “Lëndim i lehtë trupor”, ndërsa, në rastin tjetër një person është ndaluar me dyshimin e veprës penale “Prodhimi dhe vënia në qarkullim e artikujve të dëmshëm ushqimor”.

Aktakuzat:
Departamenti Përgjithshëm, ka ngritur dhjetë (10) aktakuza kundër pesëmbëdhjetë (15) personave, për këto vepra penale:
Gjashtë (6) aktakuza kundër gjashtë (6) personave për veprën penale “Vjedhja e shërbimeve”,
Një (1) aktakuzë kundër gjashtë (6) personave për veprat penale “Lëndim i lehtë trupor” dhe “Sulmi”,
Një (1) aktakuzë kundër një (1) personi për veprën penale “Keqpërdorimi i besimit”,
Një (1) aktakuzë kundër një (1) personi për veprën penale “Lëndim i lehtë trupor” dhe
Një (1) aktakuzë kundër një (1) personi për veprën penale “Posedimi i paautorizuar i narkotikëve, substancave psikotrope ose analoge”./rajonipress/