Aktakuza për kanosje, dhunë familjare e vjedhje pylli

Gjilan – Departamenti Përgjithshëm, ka ndaluar dy (2) persona, në kohëzgjatje prej 48 orësh, me dyshimin se në Gjilan, kanë kryer veprën penale “Vjedhje e rëndë”.

Departamenti për Krime të Rënda, ka paraqitur një (1) kërkesë për caktimin e masës së paraburgimit, ndaj dy (2) personave, për shkak të dyshimit se në bashkëkryerje kanë kryer veprën penale “Vrasje në tentativë”.

Departamenti Përgjithshëm, ka paraqitur një (1) kërkesë për sekuestrim, në Gjykatën Themelore në Gjilan, me dyshimin se një (1) person është përfshirë në veprën penale “Kontrabandimi i mallrave”, ku me këtë rast janë sekuestruar përkohësisht:
– Një (1) automjet transportues – kamion i markës “Mercedes”, si dhe,
– Gjashtë (6) gjedhe.

Departamenti Përgjithshëm, ka ngritur shtatë (7) aktakuza, kundër nëntë (9) personave, për këto vepra penale:
Dy (2) aktakuza kundër katër (4) personave, për veprën penale “Lëndim i lehtë trupor”;
Një (1) aktakuzë kundër një (1) personi, për veprën penale “Lëndim i rëndë trupor”;
Një (1) aktakuzë kundër një (1) personi, për veprën penale “Kanosja”;
Një (1) aktakuzë kundër një (1) personi, për veprën penale “Asgjësimi apo dëmtimi i pasurisë”;
Një (1) aktakuzë kundër një (1) personi, për veprën penale “Vjedhja e pyllit”;
Një (1) aktakuzë kundër një (1) personi, për veprën penale “Dhunë në familje”./rajonipress/