Aktakuza ndaj Hasanit, tregon se Kushtetuesja ishte e kapur nga shteti

Kryetari i Lëvizjes Vetëvendosje, Visar Ymeri, ka thënë se aktakuza për ish kryetarin e Gjykatës Kushtetuese, Enver Hasanin, tregon se kjo gjykatë ishte e kapur nga shteti.

Ai në një konferencë për media ka thënë se falsifikimi i nxjerr nga Gjykata Kushtetuese lidhet me vazhdimin e mandatit të gjyqtarëve ndërkombëtarë që ka qenë në kundërshtim me Kushtetutën.

“Me këtë dëshmohet se si Gjykata Kushtetuese është kapur nga pushteti dhe drejtuesi i saj Enver Hasani nën drejtimin e së cilit janë marr shumë vendime të rëndësishme për vendin”, ka thënë Ymeri, raporton lajmi.net.

Ai ka përmendur edhe presidenten si shkelëse të Kushtetutës e cila pa miratimin e Kuvendit ua ka vazhduar mandatin këtyre gjyqtarëve. Ymeri ka thënë se në këtë rast, po ashtu, ka qenë i përfshirë edhe shefi i misionit të BE-së në Kosovë, Samuel Zhbogar, duke bërë shkelje të rregullit diplomatike.

Ymeri ka përmendur edhe disa raste të marra nga Gjykata Kushtetuese e udhëhequr nga Hasani e njëri prej tyre edhe ai i 26 gushtit vitit 2014 për çështjen e Kryetarit të Kuvendit të Kosovës i cili sipas tij pamundësojë formimin e Qeverisë./lajmi.net