Aksion i gjerë i policisë kundër krimeve ekonomike dhe bixhozit të paligjshëm

Gjilan – Policia e Kosovës njësitet kundër krimeve ekonomike dhe antikorrupsion që operojnë nga shtabi qendror në Gjilan, kanë realizuar Planin Operativ të koduar “Lojërat e Fatit 2017”, ku janë përfshirë edhe agjencionet e tjera, ATK-ja, Dogana e Kosovës dhe Inspeksioni Komunal.

Gjatë operacionit në rajonin e Gjilanit, janë kontrolluar 11 subjekte të Lojërave të Fatit (Bastore Sportive dhe Kazino), janë shqiptuar 6 gjoba, janë mbyllur (bllombuar) 3 lokale të pa licencuara dhe janë sekuestruar dy shtëpiza kompjuterike nën dyshimin e zhvillimit/organizimit të Lojërave KENO (Lojëra të ndaluara në bazë të Ligjit të Lojërave të Fatit).

Me vendim të prokurorit, ndaj një të dyshuarit shqiptar, është iniciuar rast “Organizmi i skemave piramidale dhe bixhoz i paligjshëm”, gjersa rastet tjera po hetohen veç e veç njoftoj Ismet Hashani./rajonipress/