Aksion i bereqetshëm i policisë, 1702 gjoba në “Java e Sigurisë ne Trafik”

Gjilan – Pjesëtarët e Policisë së Kosovës të Drejtorisë Rajonale në Gjilan, përveç punëve të përditshme rutinë, janë duke realizuar edhe planin operativ “Java e sigurisë në trafik”, i cili plan po implementohet në komunat Gjilan,Viti, Kamenicë, Novobërd, Ranillug, Partesh, dhe Kllokot tha Ismet Hashani.

Sipas Hashanit ky plan operativ është duke përmbushur detyrat e parapara lidhur me parandalimin e veprave të kundërvajtjes në komunikacionin rrugor.

Gjatë kësaj periudhe kohore dy javore, Policia e Kosovës në vazhdimësi kanë kryer kontrollime të automjeteve në pika kontrolli, është mbuluar tereni, në bazë të këtij plani me pjesëtarë të policisë së Kosovës në pikat më të frekuentuara në qytete, sidomos në udhëkryqe dhe rreth rrotullime, pranë semaforëve, vendkalime të këmbësorëve (zebra) vende këto ku sipas analizave paraprake është vërejtur se më së shumti haset mosrespektimi i shenjave dhe rregullave të trafikut.

Hashani tha se Policia e Kosovës konform vendimit 180/2014, me rastin e shqiptimit të kundërvajtjeve në Komunikacionin rrugor, kundërvajtësit si masë e përkohshme i konfiskohet patentë shoferi deri në përmbushjen vullnetare të detyrimit.

Kjo mas e këtij vendimi do të zbatohet deri në hyrjen në fuqi të ligjit të ri për Komunikacionin rrugor.

Me hyrjen në fuqi të këtij vendimi, shfuqizohet vendimi paraprak 139/2014 i konfiskimit të Librezës së qarkullimit të automjetit për vozitësit që kanë shkaktuar kundërvajtje në Trafikun rrugor./rajonipress/