Aksidente trafiku me lëndime në Gjilan e Viti

Gjilan – Në rrugën “Hoxhë Lipovica”, në Gjilan është raportuar për një aksident trafiku me lëndime, të përfshirë në aksident është automjet- kamionët me targa vendore dhe drejtues mashkull shqiptar. Deri te aksidenti dyshohet se ka ardhur nga pakujdesia e drejtuesit të automjetit i cili përplaset në një cep të një shtëpie. Si pasojë e aksidentit përveç dëmeve materiale, lëndime trupore ka pësuar vetë drejtuesi i automjetit si dhe pasagjeri mashkull shqiptar.

Të lënduarit, ndihmën e parë mjekësore e kanë marrë në Qendrën emergjente në Gjilan dhe më pas janë liruar nga tretmani mjekësor.

Edhe në rrugën “11 Marsi”, në Viti është raportuar për një aksident trafiku me lëndime, ku të përfshirë në aksident kanë qenë dy automjete njëra me targa vendore dhe tjetra me targa të huaja, me drejtues meshkuj shqiptarë.

Si pasojë e aksidentit përveç dëmeve materiale, lëndime trupore kanë pësuar njëri drejtues i automjetit si dhe një pasagjere femër shqiptare, të cilëve iu është dhënë ndihma mjekësore në QMF në Viti dhe më pas janë liruar për në shtëpi njoftoj policia e Kosovës./rajonipress/