Aksident trafiku në rrugën Novosellë – Rogoqicë, lëndohet një këmbësore

Gjilan – Ismet Hashani zëdhënës i policisë rajonale në Gjilan ka thënë për rajonipress se të martën rreth orës 14 e 20 minuta në rrugën Novosellë – Rogoqicë ka ndodhur një aksident trafiku ku fillimisht vozitësi ka humbur kontrollin duke goditur shtyllën elektrike e më pas edhe një këmbësore.

Sipas policisë nga hetimet e para mësohet se vetura e tipit Alfa Romeo me drejtues R.B. nga fshati Rogoqicë e Kamenicës të martën rreth orës 14 e 20 minuta duke lëvizur nga fshati Novosellë në drejtim të Rogoqicës nga mos përshtatja e shpejtësisë në vendbanim e humb kontrollin mbi automjet dhe fillimisht e godet shtyllën e rrymës elektrike dhe më pas këmbësoren ku i shkakton lëndime të rënda.

Viktima dërgohet në qendrën Emergjente në Gjilan dhe më pas në QKUK në Prishtinë.

Hashani tha se rreth këtij rasti është njoftuar prokurori i shtetit i cili ka urdhëruar ndaljen e vozitësit. Ndryshe rasti po hetohet nga trafiku rajonal në Gjilan./rajonipress/