Aksident trafiku me lëndime në fshatin Kabash të Vitisë

Viti – Më 17 qershor 2018 rreth orës 16:00 minuta, në rrugën lokale Kabash – Viti, ka ndodhur aksident komunikacioni rrugor me lëndime, ku i përfshirë ka qenë makina bujqësore-traktor i markës Ford drejtuar nga vozitësi shqiptar shtetas i Kosovës dhe një biçikletë të cilën e drejtonte viktima po ashtu shqiptar shtetas i Kosovës i mitur (2005).

Deri te aksidenti besohet se ka ardhur si pasoj e mospërshtatjes së shpejtësisë kushteve të rrugës dhe vozitjes së pakujdesshme nga ana e drejtuesit të traktorit. Si pasojë e kësaj përplasje lëndime trupore pëson drejtuesi i biçikletës, të cilit fillimisht i epet ndihmë mjekësore në spitalin rajonal të Gjilanit e më pas transferohet në QKUK në Prishtinë.

Në lidhje me rastin është njoftuar Prokurori i shtetit, dhe i njëjti ka urdhëruar që drejtuesi i traktorit të ndalet për 48 orë. Rasti është duke u hetuar nga njësitet e trafikut rajonal njoftoj Ismet Hashani./rajonipress/