Aksident trafiku me fatalitet

Gjilan – Policia e Kosovës është njoftuar për një aksident trafiku. Nga hetimet e para mësohet se deri te aksidenti ka ardhur kur Vetura Golf IV me tabela 06 duke bërë kyçje të pasigurt nga rruga dytësore prej fshatit Cërrnicë në drejtim të Gjilanit, duke mos respektuar shenjën Stop, goditet nga Vetura po golf V me tabela 06 e cila ishte duke lëvizur në rrugën Gjilan-Ferizaj. Me ketë rast shkaktohet aksident me fatalitet dhe lëndime të rënda trupore.

Në vendin e ngjarjes konstatohet vdekja e vozitësit të veturës Golf IV nga mjeku kujdestar, lëndime trupore pësojnë pesë pasagjeret e të dy veturave. Të gjithë të lënduarit me ndihmën e shpejtë janë transferuar në Qendrën Emergjente në Gjilan.

Prokurori i Shtetit ka prezantuar në shqimin e vendit të ngjarjes dhe ka urdhëruar që vozitësi i veturës Golf V të ndalet për 48 orë, ndërsa trupi i pajetë i viktimës të dërgohet në IML, për autopsi. Shkaqet e aksidentit janë duke u hetuar tha Ismet Hashani./rajonipress/