Aksident trafiku me fatalitet në rrugën Stanishior – Novobërdë

Gjilan – Policia e Kosovës është njoftuar se në aksin e rrugës Stanishor – Novobërdë, ka ndodhur një aksident trafiku. Policia e Kosovës njësitet e trafikut rajonal me urgjencë kanë dal në vendin e ngjarjes. Nga hetimet e para dyshohet se deri te aksidenti ka ardhur kur vetura “Ford Fokus”, me tabela “KS”, e drejtuar nga vozitësi Serb shtetas i Kosovës, dyshohet se i ka godit dy këmbësorë qê të dy shqiptar shtetas të Kosovës që kanë qenë duke ecur për skaj rruge në të njëjtin drejtim.

Me këtë rast lëndime trupore kanë pësuar dy këmbësorët.
Të lënduarit me ndihmë të shpejtë janë transferuar me urgjencë në qendrën emergjente në Gjilan, ku njëri nga viktimat (1962), edhe përkundër ndihmës së ofruar nuk ka mundur të ju përballoj plagëve që ka marr si pasoj e aksidentit, dhe ka ndërruar jetë, kurse viktima e dytë mbetet në spital për tretman të mëtutjeshëm.

Me urdhër të prokurorit trupi i pajetë dërgohet në IML në Prishtinë për obduksion.
I dyshuari D.D(1996), është arrestuar nga Policia e Kosovës dhe ndalet në mbajtje për 48 orë. Rrethanat e këtij rasti të rëndë janë duke u hetuar nga Policia e Kosovës njoftoi Ismet Hashani./rajonipress/