Aksident rrugor në Gjilan, lëndohet drejtuesi i biçikletës

Gjilan – Me datën 27.08.2015 rreth orës 14:55 minuta në rrugën Qarkore, afër rrugës së fshatit Stanishor, është shkaktuar aksident rrugor në mes të një automjeti dhe një biçiklete, e si pasojë e këtij aksidenti drejtuesi i biçikletës pëson lëndime të rënda trupore.

Deri te aksidenti dyshohet të këtë ardhur atëherë kur drejtuesi i veturës “Opel Corsa” me targa 06 R.T. me vendbanim në Gjilan gjatë lëvizjes në rrugën qarkore, e përplas biciklistin Sh. S. (1992) me vendbanim në Gjilan, i cili në momentin kritik ishte duke e kaluar rrugën nga e djathta në të majtë ka thënë Ismet Hashani.

Si pasojë e kësaj përplasje drejtuesi i biçikletës pëson lëndime të renda trupore, ku fillimisht i afrohet ndihma mjekësore në spitalin e Gjilanit e më pas transferohet në QKUK në Prishtinë.

Në lidhje me rastin është njoftuar prokurori i shtetit dhe me urdhër të tij rasti procedohet me procedurë të rregullt në Gjykatë. Rasti po hetohet nga trafiku rajonal./rajonipress/