Aksident në Pikën Kufitare “Dheu i Bardhë”, lëndohet një zyrtar policor gjatë dirigjimit të komunikacionit

Gjilan – Një zyrtar policor ka mbetur i lënduar si pasojë e një aksidenti trafiku të ndodhur në Pikën Kufitare Dheu i Bardhë, derisa ishte duke e drejtuar rrjedhën e komunikacionit.

Sipas raportit zyrtar të Policisë së Kosovës, rasti ka ndodhur më 29 qershor 2026, rreth orës 17:15, kur një veturë me targa vendore, e drejtuar nga një i dyshuar mashkull kosovar, ka goditur zyrtarin policor gjatë kryerjes së detyrës zyrtare.

Si pasojë e aksidentit, polici ka pësuar lëndime trupore dhe ka pranuar trajtim mjekësor.

Lidhur me rastin, njësiti i komunikacionit rrugor i Policisë së Kosovës ka dalë në vendin e ngjarjes dhe ka nisur hetimet për të sqaruar rrethanat dhe shkaqet që çuan deri te aksidenti./rajonipress/