Aksident në Austri, lëndohen rëndë babë e bir nga Kosova

Kanë ndodhur dy aksidente brenda një kohe të shkurtë. albinfo.ch merr vesh se në njërin aksident kanë pësuar babë e bir nga Kosova ( të moshës rreth 45 dhe 15 vjeçarë), banues në Vjenë të Austrisë.

Të shtunën pasdite, zjarrfikësit e qarkut të Baden-it, nuk kishin qetësi. Brenda një ore në Tribuswinkel, (pak kilometra larg Vjenës) kanë ndodhur dy aksidente të rënda. Në të dy aksidentet kanë mbetur të lënduar persona të shumtë, ndër ta edhe fëmijë, shkruan “heute.at”.

Në anën tjetër, albinfo.ch merr vesh se në aksidentin e dytë në të cilin janë përfshirë dy vetura, pasagjerët e veturës Jaguar, (model i vjetër), kanë qenë babë e bir nga Kosova ( të moshës rreth 45 dhe 15 vjeçarë), banues në Vjenë të Austrisë.

Të gjithë të lënduarit nga ky aksident janë transportuar me shpejtësi për në spitalet më të afërta.

Sipas informacioneve të fundit të “albinfo.ch”, gjendja e të lënduarve është ende e rëndë, ndërkohë fatbardhësisht thuhet se jeta e tyre është jashtë rrezikut.

http://www.albinfo.ch/aksident-ne-austri-lendohen-rende-babe-e-bir-nga-kosova/