Aksident midis qendrës dhe në pikë të ditës, nuk ka të lënduar

Gjilan – Një aksident që ka ndodhur sot në pikë të ditës dhe në mes të qendrës ka befasuar çdo kalimtar. Dy vetura të mërgimtarëve janë ndeshur mes vete në vijat e bardha të këmbësorëve dhe përballë shkollës “Thimi Mitko” në qendër të Gjilanit. Ismet Hashani ka konfirmuar për rajonipress aksidentin dhe tha se fatmirësisht pos dëmeve materiale nuk ka të lënduar.

Një aksident i ndodhur sot rreth orës 13.00 ka befasuar çdo kalimtar të rastit. Aksidenti i cili fatmirësisht ka kaluar pa lëndime në njerëz ka ndodhur në vijat e bardha dhe përballë shkollës “Thimi Mitko”, raporton rajonipress.

Sipas Ismet Hashanit zëdhënës i policisë rajonale dy vetura të mërgimtarëve janë përfshirë në këtë aksident( foto rajonipress). “Pos dëmeve materiale nuk ka të lënduar, por pakujdesia e dasmave ka sjellur deri tek ky aksident” tha Hashani.

Hashani edhe njëher ka apeluar tek vozitësit që të ketë kujdes sidomos gjatë dasmave dhe kolonave ku shpejtësia po shkakton aksidente të shumta./rajonipress/