Aksident i rëndë në rrugën e Kamenicës, lëndohen dy shqiptar

Gjilan – Policia e Kosovës rreth mesnatës ka pranuar një informatë për një aksident trafiku me lëndime në rrugën e Kamenicës afër fshatit Ranillug. Njësitet patrolluese të trafikut rajonal me urgjencë kanë dalë në vendin e ngjarjes. Nga hetimet e para mësohet se deri te aksidenti ka ardhur kur vozitësi i veturës BMË me targa 06 duke mos e përshtat shpejtësinë e mjetit kushteve të rrugës, humbë kontrolli duke dalë jashtë rrugës ku dyshohet të jetë rrokullisur disa herë dhe është përplas në kanal jashtë rruge.

Si pasoj e aksidentit lëndime të lehta ka marrë vozitësi i veturës, shqiptar shtetas i Kosovës, gjersa bashkë udhëtari i tij, po ashtu shqiptar shtetas i Kosovës, si pasoj e aksidentit merr lëndime të rënda, ai është dërguar në QKUK në Prishtinë.

Për rastin është njoftuar prokurori i shtetit i cili ka urdhëruar që rasti të procedohet në Gjykatë ka njoftuar Ismet Hashani zëdhënës i policisë në Gjilan./rajonipress/