AKR në vazhdën e fushatës së saj, planifikon takime të shumta me qytetarë

Gjilan – Aleanca Kosova e Re (AKR), Dega në Gjilan, në fazën e dytë të fushatës zgjedhore të 22 tetorit ka paraparë që të bëjë vizita të ndryshme në qytet dhe rrethinë, ku parasheh të takohet me qytetarë për të shpalosur programin e saj liberal. Kështu ka thënë Vana Jerliu – Ramadani, shefe e shtabit zgjedhor të AKR-së, në takimin e fundit të këtij shtabi.

Sipas saj, është paraparë që në këtë fazë të fushatës, të ketë takime të drejtpërdrejta me qytetarë-votues, për të folur për rëndësinë e zgjedhjeve lokale si dhe peshën e votës, se pse ajo duhet të jepet për programin dhe kandidatët më të mirë.

E, Vana Jerliu-Ramadani ka thënë se pikërisht AKR-ja ka program të tillë dhe kandidatë të përkushtuar duke e bërë atë lidere në këtë drejtim në raport me partitë të tjera.

Me këtë rast, është përmendur lideri i saj i dëshmuar presidenti i AKR-së Behgjet Pacolli, por edhe programi më i mirë i këtij subjekti që është hartuar nga ekspertët më të njohur vendas dhe të huaj.

Përndryshe, sipas zëdhënësit të shtabit zgjedhor Sami Spahiu, AKR-ja e vlerëson lartë kulturën e gjilanasve për krijimin e klimës së mirë në ecurinë e deritanishme të fushatës zgjedhore, ku gjithashtu kontribut të madh, në këtë drejtim, ka dhënë edhe Dega e AKR-së, krahas subjekteve tjera politike.

Përndryshe, në ditët në vijim, AKR, parasheh të jetë edhe më aktive me aktivitetet e ngjeshura në terren thuhet në njoftimin e zëdhënësit të shtabit të AKR-së, dega në Gjilan, Sami Spahiu./rajonipress/