AKR do e votojë Qeverinë Hoti – pret vetëm falënderim nga LDK-ja

Fatmir Matoshi nga Aleanca Kosova e Re deklaroi se do e votojnë Qeverinë Hoti.

Matoshi në Info Magazine tregoi se nga Lidhja Demokratike e Kosovës kërkojnë vetëm falënderim, njofton Klan Kosova

“Nuk kemi ndonjë qëndrim që të jemi brenda këtij koalicioni, AKR ashtu siç ka votu Qeverinë Kurti ashtu do e votojë edhe Qeverinë Hoti”.

“Padyshim se do e votojmë Qeverinë Hoti, nuk është vënë në dyshim asnjëherë që deputetët e AKR-së do e votojnë Qeverinë Hoti – do i japim mbështetjen e formimit të një qeverie të re ashtu siç kemi votuar edhe qeveritë e kaluara”, deklaroi Matoshi.

“Vetëm një falënderim apo mirënjohje kërkojmë nga LDK-ja gjë që nuk e ka bërë Vetëvendosje – as edhe një telefonatë nuk e kemi marrë pas votimit”.

Klan Kosova gjatë ditës raportoi për takimin e Presidentit, Hashim Thaçi me kryetarin e AKR-së, Behgjet Pacolli.

Sipas Matoshit me lehtësimin e masave është normale që të takohen.

“E natyrshme ne tash kemi lehtësim të masave dhe po arrijmë të takohemi me të tjerët, Pacolli është ish-president dhe ish-ministër i Jashtëm ndërsa Thaçi është president aktuar dhe një takim i tillë është më se normal se besoj që ka pse komentohet nga të tjerët”.

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).