AKPPM paralajmëron kompanitë farmaceutike

Agjensioni Kosovar për Produkte dhe Pajisje Medicinale ka njoftuar të gjitha kompanitë farmaceutike që operojnë në Kosovës, të kryejnë të gjitha procedurat e kërkuara në bazë të legjilacionit në fuqi për Produkte dhe Pajisje Medicinale, për promovim dhe reklamim të produkteve, pasi në të kundërtën, AKPPM është e obliguar që të marrë masa ndëshkuese ndaj kompanive përkatëse.

Ky reagim vjen pas reklamimeve të njëspasnjëshme të disa produkteve medicinale në media, pa aprovim nga departamenti i Autorizimit për Marketing në Agjencinë e Kosovës për Produkte dhe Pajisje Medicinale dhe në bazë të këshillës shkencore nga Komisioni për Vlerësimin e Produkteve Medicinale,

Në reagim thuhet se për më shumë hollësi, mund t’i referoheni nenit 19 për Reklamimin dhe Promovimin e Produkteve Medicinale të Ligjit Nr. 04/L -190 për Produkte dhe Pajisje Medicinale.

Gjithashtu, AKPPM kërkon edhe nga mediat që të kenë kujdes gjatë aprovimit për transmetim të këtyre materialeve që gjithmonë të kërkohet autorizimi nga AKPPM, pasi informata që i transmetohet publikut, duhet të jetë e kontrolluar nga zyrtarët kompetent në mënyrë që të evitohen gabimet eventuale./express/