AKP-ja shet mal për tokë bujqësore

Agjencia Kosovare e Privatizimit po planifikon një shitje të veçantë përmes likuidimit në rrethin 21 të këtij procesi. Në fshatin Slivovë të komunës së Ferizajt kjo agjenci ka nxjerrë në shitje 103 hektarë zonë të pyllëzuar me pisha she shkurre. Ndryshe nga që është në realitet, AKP-ja në përshkrimin e dhënë për të interesuarit e paraqet këtë zonë si tokë bujqësore në të cilën mund të mbillen kultura bujqësore.

“Njësia nr. 42 – Pasuria Bujqësore Toka në Slivovë, në fakt përfshin kullosa dhe male në pronësi shoqërore. Pjesa dërmuese e kësaj sipërfaqe prej 103ha 08ari 77m², në zonën kadastrale Slivovë, Komuna e Ferizajt, është e përshtatshme për kultivimin e drithërave të ndryshëm. Ndërsa një pjesë e kësaj sipërfaqeje është zonë malore”, thuhet në përshkrim.

Por në të vërtetë banorët e këtij fshati mbajnë mend që asnjëherë të mos jetë mbjellë asnjë lloj kulture bujqësore në këtë pjesë .(Tribuna).