RCCOLA

Akis Vavalis: Nuk e merituam humbjen ndaj Ballkanit

/ 2 minuta lexim

Gjilan – Trajneri i FC Drita, Akis Vavalis pas ndeshjes kundër Ballkanit, ka theksuar, se edhe pas humbjes kundër Ballkanit, çdo gjë në dorë e ka Drita dhe humbja e sotit ndaj Ballkanit është e pa merituar.

“Kemi pranuar gol të hershëm dhe më pas kemi reaguar. Kemi barazuar rezultatin dhe në pjesën e dytë kemi dominuar plotësisht në fushë. Krijuam disa raste që nuk i konkretizuam. Ballkani nuk kishte asnjë rast, ndërsa shënoi nga një ndërprerje. Kjo ishte vendimtare”, ka thënë Vavalis.

Uji Dea

“Para dy javësh ishim prapa Ballkanit dhe arritëm t’i fitonim dy ndeshje për të dalë në krye të tabelës. Do ta harrojmë këtë ndeshje pasi ende kemi shanse për të dalë kampion. Kemi disa ditë për t’u përgatitur dhe nisur që nga ndeshja me Gjilanin, do të mundohemi t’i fitojmë gjitha ndeshjet e mbetura. Çdo gjë është në dorën tonë. Në përgjithësi, edhe pse nuk kemi skuadër me shumë lojtarë, do të mundohemi të jemi gati për derbi. Do të jemi në të njëjtin nivel që ishim sot. Sot humbëm por nuk e merituam humbjen”./rajonipress/