Akis Vavalis: Në derbin lokal kërkojmë tri pikë

Gjilan – Trajneri nga Greqia, Akis Vavalis në konferencë për gazetarë ka theksuar se ballafaqimi në derbin lokal me Gjilanin do të jetë vendimtarë për fatin e klubit të Dritës.

Vavalis ka theksuar se nesër do të japin 100% në fushë. “Ndeshja derbi me skuadrën lokale të Gjilanit është ndeshje shumë me rëndësi për klubin tone. Gjilani ka siguruar daljen në Evropë, ndërsa për skuadrën tonë është ndeshje vendimtare. Kemi punuar gjatë tërë javës për t`i eliminuar gabimet të cilat na u shfaqën në ndeshje me Ballkanin. Unë jam shumë optimist dhe të gjithë futbollistët, se nesër ne do të jemi ata që do ti gëzohemi fitores”.

Vavalis, poashtu, ka theksuar se është i lumtur që me tifozët e klubit “Intelektualët” të cilët janë më të mirët në Kosovë dhe në javën e kaluar i kanë dëshpëruar, nesër së bashku do t`i gëzohemi fitores shumë të rëndësishme për ne”.

Derbi lokal zhvillohet në fushën sintentike(tek rrethi), pa shikues duke filluar në ora 15:00.