Akis Vavalis: Jam ardhur ta bëjë Dritën kampion

Gjilan – Pas largimit të trajnerit Arsim Thaqi, kryesia e Dritës ka angazhuar trajnerin nga Greqia, Akis Vavalis i cili me zejen e trajnerit merret tani e 12 vite. Vavalis gjatë këtyre viteve ka udhëhequr 4 klube si trajner, ndërsa 9 të tjera ka qenë ndihmës. Në konferencën e tij të parë për shtyp, trajneri Akis Vavalis, ka theksuar se ka ardhur të shpall Dritën kampion dhe pozitën e dytë nuk e njeh.

“Jam i lumtur që jam këtu, objektivi ynë është titulli i kampionit. E kam përcjell kampionatin e Kosovës dhe shpresoj në objektivat tona, ndërsa unë e di se çka do të kërkojë nga futbollistët e mi”.

Vavalis poashtu ka theksuar se nuk mendon pozitën e dytë, dhe do të jap gjithçka nga vetja, por nëse nuk arrihet titulli në këtë kampionat, përsëri do të vazhdojmë kampionatin e ardhshëm”.

Drejtori i FC Dritës, Valon Zymberi, në konferencë ka bërë të ditur se mendon se kanë bërë zgjidhjen e duhur. “Ne kemi kontaktuar që nga Janari me këtë trajner dhe me disa trajner tjerë, por ne mendojmë që trajneri Vavalis i përshtatet klubit tonë i cili është një trajner shumë ambicioz. Ne kemi synime afat gjate me këtë trajner, dhe mendoj se është zgjedhje e duhur për mesin tone, nuk varet shkarkimi i tij nëse e bën Dritën kampion apo jo, ne do të përgatitemi maksimalisht për këto javë e mbetura dhe do të punojmë për garat ndërkombëtare të cilat na presin”.

Vavalis debutimin si krytrajner i Dritës do ta bënë në fundjavë kundër Ferizaj./rajonipress/