Akademia Ndërkombëtare Verore e UBT-së pret 500 studentë vendës e ndërkombëtarë
RajoniPress
08:10, 3 Korrik, 2016
Më shumë se 500 studentë vendës e ndërkombëtarë kanë aplikuar për pjesëmarrje në Akademinë Ndërkombëtare Verore (ANV), organizuar nga UBT-ja, që do të mbahet nga 6 deri 15 korrik, në Kampusin Inovativ në Lipjan.
Akademia tashmë është tradicionale, pasi që mbahet për të pestin vjet me radhë, ndërsa hapja solemne e punimeve të saj bëhet, më 6 korrik, duke filluar nga ora 18:00.
Sivjet, kur UBT-ja feston edhe 15 – vjetorin e themelimit, ANV-ja do të fokusohet në 15 disiplina shkencore, në të cilat studentët do të kenë rastin të dëgjojnë dhe t’i shkëmbejnë idetë me mbi 150 profesorë dhe mysafirë të tjerë./rajonipress/
