Akademia e Klubit të Gjimnastikës “Vllaznia” nga Shkodra viziton komunën e Vitisë, Pozheranin e Beguncën

Me ftesë të Klubit të Gjimnastikës “Halil Alidema” nga Vitia, sot me rreth 20 anëtarë të Akademisë të klubit të Gjimnastikës “Vllaznia” nga Shkodra, do të zbarkojnë në qytetin e Vitisë duke respektuar klubin nga Vitia për vizitën që këta të fundit javë më parë ishin mysafirë në shtetin e Shqipërisë.

Udhëheqësi i Klubit të Gjimnastikës “Halil Alidema”, Hazir Alidema, është mjaft i emocionuar për vizitën e klubit nga Shkodra.
‘Jemi të nderuar që ekipi nga Shkodra do të na nderojnë me vizitën e tyre në qytetin tonë, edhe njëherë po dëshmojmë se sporti nuk njeh kufi dhe barriera, vëllezërit tanë nga Shkodra do t`i presim me zemër të madhe duke dëshmuar se vetëm kufijtë na ndajnë në mënyrë artificiale. Mysafirët do të vendosen në Banjën e Kllokotit, ndërsa do të përformojnë me gjimnazistët e tyre në Pozheran në ora 15:00, ndërsa më vonë do të priten nga kryetari i Komunës së Vitisë, Sokol Haliti, poashtu klubi nga Shkodra do të paraqiten me programet e tyre në ndeshjen finale të futbollit të vogël në fshatin Beguncë për nder të shënimit të festës së 2korrikut”.

Trajneri, Hazir Alidema, ka bërë një apel për të gjithë qytetarët e Pozhoranit, Vitisë e Beguncës që mysafirët nga Shkodra të priten në mënyrë madhështore.
“Është nder i veçantë që ky klub me traditë të gjatë të gjimnastikës ta viziton Pozheranin, Vitin e Beguncën, andaj kërkojë nga qytetarët që mysafirët të priten në mënyrë madhështore e ti nderojmë ashtu siç e nderon vëllau-vëllan, të dëshmojmë dashuri dhe kulturë sportive”.

Mysafirët nga qyteti i Shkodrës do t`i udhëheqë presidenti i klubit “Vllaznia”, Leonard Lulaj, trajnerët: Izmir Kashi, Shpresa Taipi-Sala dhe Latif Kashim./rajonipress/

Shpërndaje.
© RAJONIPRESS