Ajvaz Sejdiu një jetë ja kushtoi punëtorëve, qytetarëve, sportit e kombit

Populli shqiptarë në radhët e saja vazhdimisht ka pasur njerëz ndër vite që kanë kontribuar për mirëqenien e tyre ekonomike, sportive e kombëtare, duke i udhëhequr në rrugët e prosperitetit për një jetë më të mirë. I tillë ka qenë ekonomisti i kohës, Ajvaz Sejdiu, i cili kudo që u paraqit dhe ku ju besua puna e tij ka dëshmuar patriotizëm dhe të gjitha të mirat për popullin shqiptarë.

Ish-drejtori i Ndërmarrjes Publike “Gosha”, tani “Çeliku”, Ajvaz Sejdiu ishte dhe do të mbetet “ikonë” e kësaj ndërmarrje tejet të suksesshme. Sejdiu tërë kapacitetin e tij e shkriu për të mirën e kësaj ndërmarrje duke ju dhënë mundësi punëtorëve të kësaj ndërmarrje për një jetë më të mirë.

Ndërmarrja ish – “Gosha”, ishte një ndërmarrje për përpunimin e metaleve, ndërsa ish-drejtori Ajvaz Sejdiu punësoi shumë shqiptarë duke ju lehtësuar mbijetesën e familjes, ndërsa shumë punëtorë edhe në ditën e sotme kur dëgjojnë emrin e ish-drejtorit Ajvaz Sejdiut kanë nostalgji e respekt tejet të madh për udhëheqësin e tyre.

Ajvazi ishte njeri shumë humanitarë e bujar pa kurrfarë interesi, edhe pse kishte mundësi të përfitonte nga pozita e tij ai kishte vetëm një banesë me dy dhoma.

Ish-drejtori Ajvazi përpos që punësonte popullin shqiptarë ai ishte edhe shumë human, në shumë raste ai shkonte në shtëpinë përmirësuese të punëve të brendshme dhe i merrte të rinjtë duke i punësuar në ndërmarrjen “Gosha” për t’ju lehtësuar jetën e tyre.

Ajvaz Sejdiu ishte një patriot i rrallë ai asnjëherë në jetën e tij nuk ju nënshtrua forcave të dhunshme Serbe, përkundrazi ai ishte “mur i gjallë” për t`i mbrojtur punëtorët e tij duke theksuar, “Se pa punëtor dhe pa popullin tim jeta ime është e zbrazët”.

Ish-drejtori tejet i suksesshëm Ajvaz Sejdiu, ishte njëherit dashamirë i madh i sportit e në veçanti i boksit, i cili me KB Partizan të Gjilanit arriti suksese më të mëdha në historikun e boksit Gjilanas.

Nën drejtimin e tij 10 vjeçar që nga viti 1980-1990, Ajvazi, arrinë ta bën kampion në Ligën e dytë të ish-Jugosllavisë KB Partizan, çka ishte suksese më i madh i gjithë sportit Gjilanas në histori.

Në këto gara të kampionit boks tejet atraktivë treguan: Subahat Xhemaili, Vhat Xhemaili, Selami Emini, Musli Zymberi, Nazim Halili-Ximi, Nezir Hyseni , Ismet Haziri, Gani Berisha, Shemsi Kurtalani, ndërsa këta boksierë kampiona i udhëhiqte trajneri me famë Elmaz Bajrami.

Me tu shpallur kampion në vitin 1981, Federata e Boksit e ish-Jugosllavisë me rekomandim nuk lejon që boksierët e KB Partizan të garojnë në Gjilan por në Leskovc dhe Nish për shkak demonstratave gjithë popullore të vitit 1981.
Për një vendim të tillë ish-kryetari i KB Partizan, Ajvaz Emini, e kundërshtoi fuqishëm duke mos i përfillur urdhrat e kësaj federate.
Për këtë vendim Ajvaz Sejdiu kishte theksuar.
“Ne jemi boksierë të Kosovës e nuk jemi boksier të Serbisë andaj kategorisht e refuzojmë një vendim të tillë dhe garat në asnjë mënyrë nuk i zhvillojmë në këto shtete të Serbisë”.

Federata e Boksit të ish-Jugosllavisë arrinë vendim që KB Partizan prapë të mbetet në Ligën e Dytë të ish-Jugosllavisë.

Ish-boksieri në atë kohë e tani njëri ndër trajnerët më të mirë Kosovar, Nazim Halili, me shumë nostalgji e krenari kujton ish-kryetarin e tij, Ajvaz Sejdiun.
“Më besoni trupi po më dridhet kur po i kujtoj ato momente me ish-kryetarin, ai ka bërë revolucion si në punësimin e familjeve shqiptare poashtu edhe në boks, ai ka qenë patriot i madh, humanist e bujar, ai kurrë një cent kujt në jetë nuk i’a keqpërdorur, si Ajvazi qyteti i Gjilanit vështirë se do të ketë edhe për 100 vite. Jam shumë krenar që kam pasur rastin të jem edhe punëtor edhe boksierë ku ai i drejtoi me shumë përgjegjësi të madhe”.

Ish-kryetari i KB Partizan, Ajvaz Sejdiu, me KB Partizan shumë herë kanë përfaqësuar Kosovën e ish-shtetin e Jugosllavisë në Rusi, Poloni, Bullgari, Hungari e shumë shtete tjera evropiane.

Ish-udhëheqësi i shumë punëtorëve të ndërmarrjes “Gosha” e qytetarëve të Gjilanit dhe ish-kryetar i KB Partizan, Ajvaz Sejdiu, ndërroj jetë në vitin 2008 në moshën 71 vjeqare.

Ne sot me shumë dashuri, respekt e krenari kujtojmë veprat e tij për t`i mos harruar kurrë.

Qyteti i Gjilanit përgjithmonë duhet të jetë krenar me njeriun e papërsëritshëm Ajvaz Sejdiun!/rajonipress/