Ajeti largohet nga Torino

Arlind Ajeti pritet të largohet nga Torino në janar, derisa shumë skuadra janë vënë pas mbrojtësit shqiptar.

Pjesa e dytë e stinorit me shumë gjasa do ta gjejë Arlind Ajetin me një tjetër ekip. Mbrojtësi i Kombëtares mund t’i thotë lamtumirë Torinos, në kërkim të një skuadre ku të mund të luajë rregullisht, shkruan albinfo.ch.

Pas Crotones dhe Empolit në Serinë A, mediat italiane së fundmi nuk e përjashtojnë mundësinë që 23-vjeçari të luajë jashtë Italisë.

Sipas të përditshmes torineze “Tuttosport”, Ajeti po vlerëson disa propozime nga kampionate të tjera, por pa dhënë hollësira të mëtejshme.

Ndërkohë, nuk përjashtohet as mundësia që qendërmbrojtësi i përfaqësueses shqiptare të qëndrojë te Torino dhe ta bindë trajnerin Sinisha Mihajloviq për t’i gjetur një vend në 11-shen titullar.

http://www.albinfo.ch/ajeti-largohet-nga-torino/