Ajeti frikëson Shqipërinë

Arlind Ajeti është lënduar në ndeshjen e fundit dhe nuk dihet a do të jetë i gatshëm për ndeshjen ndaj Spanjës, që zhvillohet më 6 tetor.

Mbrojtësi i Kombëtares shqiptare, Arlind Ajeti është lënduar në ndeshjen e fundit me Crotonen ndaj Interit dhe nuk dihet ende nëse është i gatshëm për kuqezinjtë për ndeshjet me Kombëtarem shkruan albinfo.ch.

Ajeti zhvilloi një ndeshje mjaft të mirë, por në pjesën e dytë është lënduar dhe është dashur të dalë nga loja. Ai u lëndua në minutën e 64-t.

Për ndeshjen ndaj Spanjës do të mungojë qendërmbrojtësi, Mërgim Mavraj për shkak të kartonëve, ashtu si edhe mesfushori Burim Kukeli, i cili shpesh aktivizohet si qendërmbrojtës. Gjithashtu për shkak të kartonëve do të mungojë edhe Odise Roshi.

Përzgjedhësi Christian Panucci do të ketë shumë dilema se kë do të aktivizojë në qendër të mbrojtjes.

http://www.albinfo.ch/ajeti-frikeson-shqiperine/