Ahmeti për konstituimin e Kuvendit: Skenar i zorit i VV-së, jo strategji

Ish-kryetari i Prishtinës, Shpend Ahmeti tha se kryeministri në detyrë, Albin Kurti po t’i kishte votat nuk do të insistonte në Albulena Haxhiun për kryekuvendare.

Sipas tij, për Kurtin kryekuvendari nuk është post më i rëndësishëm sesa kreu i Qeverisë.

Derisa tha se kjo nga ana e Kurtit nuk ishte strategji, por skenar i “zorit”.“Skenar i zorit, jo strategji, sepse strategjia nënkupton “të menduarit mirë”. S’i ka pasë votat, sepse po t’i kishte votat nuk do të insistonte në Albulena Haxhiun. Gabimi është edhe i opozitës që ka rënë në kurth, që ka qenë skenar i zorit, i Kurtit”, tha Ahmeti.

“Në aspektin e politikës, nuk ka ndodhur asgjë e jashtëzakonshme me qeverinë e VV, mundesh me thënë që Kurti është më kokëfortë, reziston ndaj presioneve, por mundesh me thanë që nuk është bashkëpunues. Mendoj që ka arrit shumë më shumë më shty storjen e vet VV, që ka ndodh diçka komplet ndryshe, dhe këta kanë arrit me bë këtë propagandë”, vijoi ai në “DPT te Fidani”,.