Ahengjet në dasma e restorante sjellin edhe helmimet familjare të mërgimtarëve

Gjilan – Xhevat Demiri shef i reparti të Infektologjisë thotë se vetëm javën e fundit ka pasur me dhjetëra raste familjare kryesisht mërgimtarë që janë helmuar në dasma e ahengje.

Temperaturat e larta që po mbretërojnë këto ditë kanë shtuar edhe numrin e madh të pacientëve që kërkojnë ndihmë kryesisht në repartin e infektologjisë.

Xhevat Demiri shef i repartit të infektologjise tha për rajonipress se ditëve të fundit ka pasur dhjetëra raste familjare që janë helmuar në dasma e ahengje e që kryesisht janë mërgimtarë.

Demiri tha se këto raste janë përcjellur kryesisht me helmime në ushqim,edhe atë kryesisht në restorantet lokale,aty ku ka pasur numër të madh të dasmorëve,ku ka munguar klima dhe ku ushqimi ka qenë i pakontrolluar si duhet.

Demiri shtoj se pos këtyre rasteve në këto ditë të nxehta është e atakuar edhe mosha e vjetër të cilët kërkojnë ndihmë kryesisht në orët e vona të natës.

Të hënën pritet që temperaturat të jenë edhe më të larta dhe i kisha preferuar të moshuarit dhe fëmijët që pas orës 10.00 mos t`i ekspozohen diellit. “Ata kryesisht duhet të freskohen me ujë sepse është i vetmi që e rehidron-kompenson organizmin” tha Demiri./rajonipress/