Agushi: BNA-ja është subjekti ynë vendor dhe duhet të rreshtohemi të gjithë pa dallim partie, koha për ndryshim ka ardhur!

Gjilan – Ndryshimi vjen me BNA-në, e jo me ata që na lanë në mjerim. Katër vitet e ardhshme janë shumë të rëndësishme, prandaj mos ua jepni sërish mundësinë atyre që nuk i sollën asgjë të mirë Gjilanit ka shkruar Isa Agushi.

Postimi i plotë:

Të dashur qytetarë të Gjilanit, bashkohuni për ndryshim!

Ndryshimi vjen me BNA-në, e jo me ata që na lanë në mjerim. Katër vitet e ardhshme janë shumë të rëndësishme, prandaj mos ua jepni sërish mundësinë atyre që nuk i sollën asgjë të mirë Gjilanit.

Mos bini pre e mashtrimeve dhe premtimeve boshe për një votë. Ndryshimin e bëni ju, së bashku me ne. Të gjithë jemi dëshmitarë se sa shumë na kanë kthyer mbrapa ata që na qeverisën deri më tani. Ne do të jemi zëri juaj, do ta zhvillojmë Gjilanin bashkë me ju, jo me shefat nga Prishtina, sepse për shkak të tyre kemi pësuar pasoja të mëdha.

Tani, më shumë se kurrë, besoj se jemi vetëdijesuar dhe zgjuar, ata që na sollën në këtë gjendje duhet t’i ndëshkojmë me votën tonë.

BNA-ja është subjekti ynë vendor dhe duhet të rreshtohemi të gjithë pa dallim partie. Koha për ndryshim ka ardhur! Votoni BNA 184 dhe këshilltarët tanë.

Zoti e bekoftë Gjilanin dhe Kosovën tonë të dashur!
I juaji,
IA