Agushi: Asnjë projekt nuk mbahet mend për tri vite të qeverisjes Kurti që e ka filluar dhe e ka përfunduar

Gjilan – Për këto tri vite kjo qeveri nuk u marr me punët e brendshme të vendit, por me veriun e Kosovës dhe me dialogun. Asnjë projekt nuk mbahet mend për tri vite të qeverisjes Kurti që e ka filluar dhe e ka përfunduar thotë Isa Agushi nga BNA.

“Unë mendoj që Kurtin duhet me lan me përfundua mandatin e plot sepse qytetarët e Kosovës ja shohin marifetin dhe premtimet që i ka ba, përndryshe me shkurtue mandatin për disa muaj nuk isha pajtue sepse tani viktimizohet dhe thotë që po më pengojnë opozita. Për këto tri vite kjo qeveri nuk u marr me punët e brendshme të vendit, por me veriun e Kosovës dhe me dialogun. Asnjë projekt nuk mbahet mend për tri vite të qeveris Kurti që e ka fillue dhe e ka përfunduar” thotë Isa Agushi.

Agushi thotë se kemi pritur shumë prej kësaj qeverie, amo edhe kjo nuk dallon shumë prej të tjerëve që kane qen deri më tani.

“Qytetarët kanë prit shumë nga kjo qeveri dhe për at edhe e banën ndryshimin, ne kemi mbet shumë mbrapa me vendet e rajonit, të gjitha projektet kapitale janë bllokuar edhe pse ka mjaftueshëm buxhet, por është e pa kuptimtë pse po ndodhë kjo. Qeveria u kanë dashtë dhe duhet ti kthehet qytetarëve të vendit dhe tua lehtësoj jetesën një jetë ma të mirë, por po ndodhë e kundërta dhe prandaj njerëzit po ikin dhe po e lëshojnë vendin, s`kemi arsim cilësor, shëndetësi katastrofike, siguria askund nuk është dhe zhgënjimi është evident tek qytetarët e vendit” shtoi Agushi.

“Uroj që edhe një vit ma pak që ka mbetur të shohim ndonjë projekt të kësaj mazhorancë që do ta kryej, por jam pesimist për këtë” tha Agushi në fund./rajonipress/