Agron Selmani: Vllaznia kërkon ndaj Drenicës të këndellet

Gjilan – Edhe pse stadiumi i qytetit në Gjilan është i mbuluar me dëborë, sipas Komisionit të Grave të FFK-së nesër pritet të zhvillohet ndeshja e fundit e xhiros së 20-të e Superligës së Kosovës në futboll.

Skuadra e Vllaznisë së Pozheranit do të jetë nikoqire e “kuq e zinjëve” të Drenicës, ndërsa Pozhoronasit fillimin e stinorit pranveror e filluan me humbje ndaj Lirisë në Prizren duke pësuar humbje me rezultat 2-1, ndërsa Drenica ka luajtur në shtëpi me Besën e Pejës me rezultat të barabartë 2-2.

Në radhët e Vllaznisë së Pozheranit janë të mobilizuar si asnjëherë më parë, duke filluar nga futbollistët trajneri e kryesia e klubit, që këtë ndeshja të ngadhënjejnë për të zënë hapin së paku në ndeshjet e barazhit.

Për trajnerin e Vllaznisë, Agron Selmanin alternativ përpos fitores do të ishte humbje e madhe.
“Objektivat e skuadrës së Vllaznisë nga ndeshja me Drenicën janë të dalim të pamposhtur dhe t`i arkëtojmë tri pikë për të rikthyer besimin në skuadër, e dimë se skuadra e Drenicës është një skuadër e fort dhe kompakte dhe ne për këtë e respektojmë. Ju premtoj se do të shohim një ndeshje të mirë dhe të fort edhe pse kushtet atmosferike nuk do të jenë të mira por atmosfera në klub është jashtëzakonisht e mirë dhe për fat nuk kemi futbollist të lënduar, kjo na bën që nesër përpos fitores alternativ tjetër nuk ka”.

Nga 19 javët e zhvilluara Vllaznia pozicionohet në pozitën e 12-të me 8 pikë të tubuara, ndërsa Drenica zë pozitën e 8 me 29 pikë./rajonipress/