Agolli: Panucci beson tek unë, ndaj Turqisë luajnë të rinjtë

Një nga emrat që nuk është grumbulluar me ekipin Kombëtar për ndeshjen miqësore ndaj Turqisë, është edhe Ansi Agolli.

Kapiteni i kuqezinjve, që luan me skuadrën e Karabakur në Azerbajxhan, duket se nuk është hatërmbetur për këtë veprim të trajnerit.

“Nuk ka asnjë vend për diskutim në lidhje me mungesën time në Kombëtare”, ka thënë Agolli.

“Trajneri ka menduar që t’i japë më shumë hapësirë lojtarëve të rinj që janë në pozicionin tim dhe kjo është gjë normale”.

“Kam pasur një bisedë me trajnerin dhe ai më ka konfirmuar besimin që ka te unë”, ka thënë shkurtimisht Agolli në lidhje me këtë çështje.

Kujtojmë që Shqipëria ndeshjen miqësore ndaj Turqisë do ta zhvillojë më 13 nëntor në Antalya.