Agolli: Ndihmojmë njëri-tjetrin për suksesin final

Kombëtarja e Shqipërisë në futboll respekton në maksimum përfaqësuesen e Maqedonisë, por në Strumicë ka ardhur për të shënuar fitore dhe për të arkëtuar 3 pikë, shkruan alsatm.

Ky është paralajmërimi i trajneri kuqezi Christian Panucci dhe kapitenit Ansi Agollit, në takimin e fundit me gazetarët e mediave vendore dhe ato nga Shqipëria. Kapiteni Agolli potencoi se Shqipëria mund të arrijë deri te suksesi vetëm nëse është kompakt në terrenin e gjelbër dhe se nuk e intereson gjërat e tjera që mund të ndodhin rreth stadiumit ose në tribuna.

“Skuadra nuk duhet të bëj asgjë më shumë se sa të përqendrohet në lojën në fushën e blertë. Çdo gjë tjetër nuk duhet menduar dhe ne duhet të përqendrohemi te loja jonë, ta japim maksimumin, të ndihmojmë shoku – shokun në mënyrë që ta çojmë skuadrën drejt suksesit”, ka thënë kapiteni i Kuqezinjve.

Përballja Maqedoni – Shqipëri, do të zhvillohet të martën me fillim në orën 20.45.