AGK edhe me dy nëndegë të reja

Gjilan – Aleanca e Gruas së Kosovës – Dega në Gjilan, të martën ka themeluar dy nëndegë, atë të “Qendra II”, kryetare e së cilës është zgjedhur Qëndresa Dauti si dhe nëndegën “Ramiz Cernica”, kryetare e së cilës është zgjedhur Kujtesa Lutfiu.
Në kuvendin për themelimin e këtyre nëndegëve morën pjesë, nënkryetarja e Degës së AAK-së në Gjilan Mevlyde Zejnullahu, kryetarja e AGK-së në Gjilan Ajtene Shahiqi, sekretarja organizative e AGK-së në Gjilan Xhylie Hajdari, si dhe anëtaret e kryesisë së AGK-së në Gjilan, Nazmije Azemi dhe Sevdije Syla.
Ajtene Shahiqi është shprehur e kënaqur me formimin e nëndegëve të reja nga radhët e Aleancës së Gruas dhe ka shtuar se AGK-ja është pjesë e rëndësishme e AAK-së./rajonipress/