AGK dënon ashpër qasjen e Kurtit ndaj gazetares së Klan Kosovës: E papranueshme, ton arrogant
RajoniPress
15:26, 6 Gusht, 2025
| 12 muaj më parë
Asociacioni i Gazetarëve të Kosovës ka reaguar ndaj gjuhës së përdorur nga kryeministri në detyrë, Albin Kurti, ndaj gazetares së Klan Kosovës Arbëresha Uka.
“Asociacioni i Gazetarëve të Kosovës (AGK) dënon ashpër sjelljen dhe qasjen e kryeministrit në detyrë, Albin Kurti ndaj gazetares së televizionit, Klan Kosova, Arbëresha Uka, gjatë një deklarimi publik.”
“Gazetarja Uka e ka pyetur Kurtin për mungesën e barnave në QKUK, teksa ai i është përgjigur me ton arrogant, duke i thënë “lej ti albuminat. Thuj pronarit tuaj, televizionit tuaj le t’ia kthejnë 62 milionë Telekomit”.”
AGK ka thënë se kjo është qasje e papranueshme e Kurtit ndaj gazetarëve dhe përpjekje për të minuar punën e tyre.
“Kjo është një qasje e papranueshme e Kurtit ndaj medieve dhe gazetarëve, dhe përpjekje e hapur për të minuar punën e tyre, dhe për të fshehur mungesën e transparencës së qeverisë që ai ka udhëhequr në këto vitet e fundit.”
AGK shton se “sulme si këto të Kurtit, qeverisë dhe partisë së tij, kanë kontribuar në masë të madhe që Kosova të bie drastikisht në indeksin e lirisë së medieve”.
