Agim Veliu flet për marrëveshjen LDK-VV, thotë se ka edhe disa çështje për t’u diskutuar

Nënkryetari i LDK-së, Agim Veliu, është deklaruar lidhur me mundësinë e arritjes së marrëveshjes së koalicionit qeverisës në mes të Lëvizjes Vetëvendosje dhe Lidhjes Demokratike të Kosovës.

Ai komentoi takimin e sotëm që pritet të ndodhë mes dy liderëve partiakë, Albin Kurti dhe Isa Mustafa, por pa dhënë detaje për marrëveshjen potenciale.

“Bisedimet janë duke u zhvilluar. Disa dallime programore janë tejkaluar, tash të shohim çështjet tjera që kanë mbetur – janë çështje që do të bisedohen prej sot e tutje”, ka thënë ai.

Veliu gjithashtu foli për kreun e VV-së Albin Kurti, në raport me figurën e Ish-presidentit Ibrahim Rugova, me ç’rast tha se mbetet e secilit të vendosë për vete për nderimin e figurës së presidentit historik.

Këto komente ai i dha përderisa bëri homazhe pranë varrit të Rugovës, i shoqëruar nga Vjosa Osmani dhe Lutfi Haziri.

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).