Agim Bahtiri i kërkon Qeverisë të ndalojë spastrimin etnik në Veri

Kryetari i Komunës së Mitrovicës Jugore, Agim Bahtiri, ka shfaqur publikisht shqetësimin e tij për blerjen e pronave të qytetarëve shqiptarë të veriut të Mitrovicës nga “shteti i Serbisë”, shkruan sot Koha Ditore.

Ai e ka cilësuar një gjë të tillë si pastrim etnik. Për këtë arsye Bahtiri ka kërkuar nga institucionet më të larta të vendit që të ndërmarrin masa të menjëhershme dhe të ndërpritet ky trend.

“Serbia nuk po ndalet së pastruari etnikisht lagjet veriore të qytetit të Mitrovicës”, thuhet në një komunikatë shtypi të lëshuar të enjten nga kabineti i Bahtirit në Mitrovicë. Sipas tij, spastrimi etnik po ndodh jo me largim të dhunshëm të shqiptarëve nga atje, por duke ndarë mjete të mëdha për blerjen e pronave të tyre, duke krijuar fonde të posaçme për këtë.

http://koha.net/?id=27&l=75498