Afrohen Haradinaj e Pacolli

Një takim i rastësishëm mes kreut të AAK-së Ramush Haradinaj dhe atij të AKR-së, Behgjet Pacolli, në selinë e Bashkësisë Islame të Kosovës, ka rezultuar me muhabet të gjatë, pas urimeve që të dy i kanë bërë myftiut Naim Tërnava për festën e Bajramit.

Burime i kanë thënë Tribunës se të dy liderët, pas largimit nga Bashkësia Islame, kanë vazhduar një takim tjetër jo edhe të shkurtër ku kanë biseduar për shumë çështje, duke mos përjashtuar edhe bashkëpunimin.

Ky burim e ka përshkruar takimin si mjaft të shtendosur, pavarësisht tensioneve të herëpashershme që këto dy subjekte kanë pasur në vitet e fundit, sidomos në garën për komunën e Gjakovës.(Tribuna).