Afrim Shahini licencohet edhe me licencën C të portierëve

Gjilan – Ish-njëri ndër portierët më të mirë që ka pasur futbolli i qytetit të Gjilanit, Afrim Shahini, i cili me mjaft sukses për shumë vite po i stërvitë portierët në FC Drita e në të shumtën e rasteve ka udhëhequr edhe skuadrën “bardh e kaltër” të Dritës në momentet më kritike, me mjaft sukses po e ngrit shkollimin e tij me Licencat të cilat po i organizon FFK-së në bashkëpunim me Federatën e Futbollit të Gjermanisë.

Shahini para disa viteve me sukses të jashtëzakonshëm kishte përfunduar shkollimin e tij për licencën B për klube, por ai nuk u ndal në asnjë moment më herët ka përfunduar edhe licencën D për portier dhe para disa ditësh me sukses të plot ka ngritur nivelin e tij me licencë C të portjerve.

“Jam shumë i nderuar që kam pasur rastin ti përfundoj këto kurse të shkollimit si në ato ekipore njashtu edhe të portjerve të cilat i ka organizuar FFK-së së bashku me Federatën e Futbollit të Gjermanisë, për ne këto licencime janë shumë të dobishme në mënyrë që të rinjët tanë t`i avancojmë në mënyrë profesionale”, ka bërë të ditur trajneri Afrim Shahini.

Shahini ka bërë të ditur se këto përvoja profesionale i ka ligjeru Instruktori i DFB-së i famshëm nga Gjermania, Horst Krieste.
“Kemi të bëjmë me një Instruktor me famë botërore i cili tërë potencialin e tij na ka zbatuar në mënyrë profesionale dhe kjo është e mirëseardhur për futbollin e Kosovës”.

Edhe vet Sekretari gjeneral i FFK-së, Eroll Salihu, ka deklaruar se prioritet i FFK-së është edukimi dhe licencimi i kuadrove të reja në bazë të sistemit të UEFA-së, të përcaktuar nga JIra Panel që i cakton standardet e edukimit të trajnerëve.

Të gjitha këto licenca të marrura gjerë në fund të vitit do të njihen dhe do të shndërrohen në “UEFA Licenca”./rajonipress/