Afrim Shahini: Drita do të këndellet shumë shpejt

Gjilan – Njëri ndër trajnerët i cili vazhdimisht është pjesë e trajnerëve të Dritës është Afrim Shahini, dikur portier i njohur në futbollin e Kosovës. Për z.trajnerin Shahini nuk ka problem se cili trajner i prinë klubit të Dritës ai me punën e tij ka dëshmuar se është në gjendje të punoj në mënyrë profesionale.

Trajneri i Dritës, Shahini i cili ka të kryer Licencën B të trajnerit ka bërë që të jetë i dashur si tek futbollistët njëashtu edhe tek kryesit e klubit të Dritës me punën dhe seriozitetin që ka.

Futbollistëve të Dritës në këtë edicion të garave të Vala Superligës së Kosovës nuk janë duke i shkuar punët ashtu siç duhet ata renditen në pozitën 10-të nga 13 javët e zhvilluara kanë shënuar vetëm një fitore duke barazuar në katër ndeshje ndërsa kanë pësuar tetë herë duke i zhgënjyer shikuesit e saj.

“As në ëndërr nuk e kemi paramenduar këtë gjendje të klubit, kjo asnjëherë nuk i ka ndodhur skuadrës sonë nga 13 javët të shënojmë vetëm 5 gola kjo është e trishtueshme me gjithë punën e palodhshëm që po bëjmë i gjithë stafi i skuadrës pikët po na mungojnë”, shprehet Shahini.

Gjerë në përfundim të stinorit vjeshtor kanë mbetur edhe tri javë “bardhë e kaltërtit” të Dritës do të jenë mysafire në javën e 14 e Llapit në Podujevë, në javën e 15-të do të jetë nikoqire e Lirisë së Prizrenit ndërsa në javën e 16-të do të ballafaqohet me Hajvalinë.
“Është për tu ardhur keq ne shumicën e ndeshjeve i kemi humbur në minutat e fundit të ndeshjes po na mungon koncentrimi pasi kemi skuadër të pa përvojë, por nga këto tri javët e fundit do të bëjmë përpjekje maksimale të arkëtojmë sa më shumë pikë dhe do ta shfrytëzojmë maksimalisht këtë pushim 10-të ditor për t`i mënjanuar gabimet në skuadër”, thekson Shahini.

Për në pranverë Shahini është mjaft optimist se skuadra e Dritës do të ketë krejtësisht një pasqyrë tjetër.
“Gjatë pushimit dimëror do të punojmë pa ndërprerë do t`i përmirësojmë disa gjëra në mënyrë radikale i gjithë personeli i skuadrës do të jetë në gatishmëri për ta nxjerrë sa më parë skuadrën nga kjo pozitë dhe jam shumë i bindur se pranvera do të sjellë ndryshime të mëdha në skuadër”.

Zëvendës trajneri Shahini ka një porosi të veçantë për tifozët e Dritës “Intelektualët”. “Nga zemra ju falënderohemi së pari për mirëkuptimin që keni ndaj skuadrës dhe vazhdimisht që na përcillni dhe na ofroni mbështetje por në pranverë do t`ju gëzojmë me rezultatet e klubit tuaj të zemrës”./rajonipress/