“Afërdita” e Kishnapoles prezanton vlerat tradicionale në Frashër të Shqipërisë

Gjilan – Shkolla fillore “Afërdita” nga Kishnapola ka marrë pjesë në promovimin e vlerave kulturore artistike në Frashër të Shqipërisë derisa nxënësit e kësaj shkolle me shumë sukses i kanë prezantuar vlerat tradicionale kombëtare të regjionit të Gjilanit.

Një grup i nxënësve të shkollës fillore “Afërdita” nga Kishnapola kanë marrë pjesë në Frashër të Shqipërisë ku kanë prezantuar suksesshëm vlerat tradicionale kombëtare të regjionit të Gjilanit.

Ramadan Mehmeti në emër të kësaj shkolle ka falënderuar vëllezërit shqiptar në Frashër. “Më lejoni që në emër të nxënësve, të kolegëve arsimtar të shkollës fillore “Afërdita” nga Kishnapola, të falënderojë organizatorin e takimit zotin Tomor Kotorin, për ftesën që na ka bërë, Drejtorisë Komunale të Arsimit Gjilan, Drejtorit Nazim Gagica, Kryetarit të Komunës z.Lutfi Haziri si dhe Ministrisë së Kulturës dhe Sportit të Republikës së Kosovës si sponzorizues për realizimin e projektit: “Promovimi i vlerave kulturore – artisike”, të jemi pjesëmarrës në ketë takim tashmë tradicional. Me gjithë vështirësitë gjatë rrugës së gjatë, dëshirës së madhe për të marrë pjesë në takim të shohim, njohim për së afërmi vendlindjen e rilindasëve tanë kombëtar dhe këtij populli bujar dhe punëtor ku me të drejtë i madhi Naim ka thënë: “Punë, punë natë e ditë që të shohim pakëz dritë”. Këtu erdhëm të prezantojmë vlerat tradicionale kombëtare të regjionit të Gjilanit” ka thënë Ramadan Mehmeti./rajonipress/