Afaristi që po mbahet në burgun zviceran rrezikon të ekstradohet në Kosovë

Gjykata Federale Penale, me vendimin e saj të marrë më 22 dhjetor 2017 ka mbështetur qëndrimin për ekstradim që mban Zyra Federale për Drejtësi (BJ) duke vlerësuar se është në përputhje me ligjin.

Një shqiptar nga Kosova, pronar i një kompanie të patumdshmërive, ndër më të mëdhatë në Zvicrën Qendrore, po mbahet në burgun e Lenzburgut, që nga qershori i vitit të kaluar. Ai nuk është i dënuar por mbajtja e tij në burg bëhet mbi bazë të një kërkese që autoritetet kosovare kanë bërë për ekstradim të tij në Kosovë, shkruan gazeta Luzerner Zeitung. Atje ai akuzohet për nxitje të një vrasjeje.

Siç ka shkruar tashmë albinfo.ch, kosovari në fjalë po përdor të gjitha mjetet e mundshme juridike për të shpëtuar nga ekstradimi gjegjësisht rënia në duar të autoriteteve kosovare.

Javën e kaluar, Ministria e Drejtësisë dhe Policisë (EJPD) i ka thënë gazetës se së fundi, Gjykata Federale Penale në Bellinzona ka marrë një vendim lidhur me rastin. Në fakt kjo gjykatë, me vendimin e saj të marrë më 22 dhjetor 2017 ka mbështetur qëndrimin e Zyrës Federale për Drejtësi (BJ) duke vlerësuar se është në përputhje me ligjin, përcjell albinfo.ch. Dhe ky qëndrim është në favor të ekstradimit në Kosovë të afaristit në fjalë.

Vendimi i Gjykatës Penale Federale ende nuk është i plotfuqishëm. Kosovari ka të drejtë që si mjet të fundit juridik të përdorë ankesën në Gjykatën Federale në Lozanë, që është shkalla më e lartë e gjyqësisë në vend.

Afaristi që po mbahet në burgun zviceran rrezikon të ekstradohet në Kosovë

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).